Доделување на јубилејна плакета на Универзитет “Гоце Делчев” – Штип

Како дел од настаните за одбележување на 80-годишнината од основањето на Црвениот крст во Македонија, на 10 март на Правниот факултет во Штип се одржа настан за промоција на платформа на ЦКРСМ со УГД.

На настанот Генералниот Секретар на ЦКРСМ д-р Саит Саити додели јубилејна плакета на Ректорот на УГД проф. д-р Дејан Мираковски, во знак на благодарност за севкупниот придонес за развојот и поддршката во работата на Црвен крст.

За време на настанот се реализираше и панел дискусија на актуелни општествени теми од академската фела со Црвениот крст за давање на придонес во влијанија за градење на политики од општествен интерес.

Во рамките на одбележувањето имаше и панел дискусија на која учествуваа проф. д-р Ана Никодиноска Крстевка – проректор за меѓународна соработка, проф. д-р Даниела Коцева – професор на Факултетот за образовни науки, Ирена Жежова – претставник на студентската организација СОМА и Викторија Милановска Партаклиев – Претседател на Општинската организација на Црвен крст – Штип. Панелот беше модериран од страна на проф. д-р Никола Дујовски и проф. д-р Фадби Османи.

Настан претставуваше можност за претставување на платформата како и за споделување на иницијативите на Универзитетот „Гоце Делчев“ – Штип и Црвен крст на Република Северна Македонија со цел продлабочување на соработката.